A Audiencia de Pontevedra comeza a funcionar co sistema 'e-Fidelius'
Por Oskar Viéitez
Durante os últimos días a administración procedeu ao cambio de sistema de gravación das salas de vista da Audiencia provincial de Pontevedra para implantar o sistema 'e-Fidelius', unha forma de gravación de xuízos que mellora substancialmente a que había. Por este motivo non estiveron todas as salas operativas.
Trátase un novo paso no avance cara á efectiva modernización da Xustiza.
Este sistema está chamado a sacar das salas de vista os secretarios xudiciais, que ata agora se encargaban de realizar a acta do que pasaba no xuízo, e posibilitará que se dediquen ás súas novas funcións.
Entre as novidades que o 'e-Fidelius' achega está a mellora na calidade do son, as voces grávanse con maior claridade e introdúcese un sistema de alertas, por exemplo, cando non se rexistra ningún audio
O sistema está conectado cun servidor central en Madrid e conta cun servizo técnico permanente para solucionar calquera incidencia.
Ademais ofrece novas posibilidades como indexar os vídeos e engadirlle datos á gravación o que facilita o traballo dos xuíces.
Relacionadas:
-
O Parlamento aproba unha iniciativa socialista para resolver os problemas tecnolóxicos na Audiencia de Pontevedra
Por Oskar Viéitez |
-
O sistema de gravación de vistas da Audiencia volve dar problemas
Por Anxo Lourido & Natalia Puga |
-
O sistema de gravación de xuízos da Audiencia xa funciona correctamente, pero hai dous irrecuperables
Por Natalia Puga |
-
A Audiencia fai oco e expurgará 22.000 expedientes xudiciais
Por Natalia Puga |