A APDR reclama información sobre a planta de compostaxe
Por Oskar Viéitez
A Asociación pola Defensa da Ría (APDR) critica a "absoluta falta de información" por parte do Concello e da Deputación sobre a planta de compostaxe "da que mesmo descoñecemos se existe ou non algún proxecto técnico concreto".
Neste sentido, a asociación ecoloxista solicita de ambas administracións toda a información existente ao respecto "e que se abran canles de participación activa da cidadanía neste proceso", no que entenden que deben participar.
Nun escrito que asina Xulio Carmona, representando a xunta directiva da APDR, solicita á Deputación a participación na elaboración e aplicación dun plan de xestión de residuos sólidos para a provincia.
Consideran dende Defensa da Ría que "gran parte do éxito" na implantación de calquera sistema de xestión de residuos sólidos urbanos sostíbel, "depende da colaboración e do grado de participación real da cidadanía".
Tamén lembran que tal e como se propón no manifesto da Plataforma Galega contra a incineración e reciclaxe no 2011, "o público non só debe estar informado senón tamén poder avaliar a participar activamente no proceso desde o inicio, achegando propostas, avaliando resultados e contribuíndo a solucionar os problemas que vaian xurdindo".
Relacionadas:
-
O 9 de febreiro, primera charla sobre a compostaxe no Teatro Principal
Por Redacción |
-
A Mancomunidade de Montes de Pontevedra reitera que a planta de compostaxe debería ubicarse en solo industrial
Por Oskar Viéitez |
-
A Canicouva pide tranquilidade: "Non vamos a permitir nin unha empacadora nin un almacén de lixo"
Por Alejandro Espiño |
-
A planta de compost, ao detalle nunhas xornadas técnicas organizadas por Concello e Deputación
Por Alejandro Espiño |
-
Os opositores á planta de compostaxe trasladarán as súas protestas ao pleno municipal de febreiro
Por Redacción | Creada e actualizada