Sutega e Novavila amoblarán as Pousadas do Salnés para que poidan abrir en Semana Santa
Por Redacción
As Pousadas do Salnés estarán completamente listas para a súa posta en funcionamento antes de que comece Semana Santa. Así o puxo de manifesto o presidente da Deputación, Rafael Louzán, que anunciou a adxudicación, na Xunta de Goberno deste venres, do mobiliario para estes establecementos.
A unión temporal de empresas integrada por Suministros Técnicos de Galicia (Sutega) e Novavila Rías Baixas S.A. foi a gañadora do concurso, cun orzamento de 1.4 millóns de euros e un prazo de subministración do equipamento é de 70 días.
Tendo en conta estes prazos e que nestes momentos están en execución os últimos traballos de acondicionamento e alumeado dos accesos, agárdase que antes de Semana Santa estean completas todas as infraestruturas e acondicionado o contorno para a súa posta en marcha por parte da empresa adxudicataria, do Grupo Hotusa.
Na actualidade 42 mozos están formándose en hoteis de Alemaña e España no marco dos ciclos de FP Dual postos en marcha pola Administración provincial, a Consellería de Educación e a empresa, de forma que tamén se disporía de persoal perfectamente formado para traballar nestes centros.
Relacionadas:
-
Os deputados do PP preguntan que ten pensado facer a Deputación coas Pousadas do Salnés
Por Redacción |
-
Todo a punto para a apertura das Pousadas do Salnés
Por Oskar Viéitez |
-
"Me voy a Alemania a trabajar mientras aprendo una profesión"
Por Oskar Viéitez & Mónica Patxot |
-
Xunta, Deputación e Arlea Hotels poñen en marcha tres ciclos de FP dual na Pousada da Lanzada
Por Oskar Viéitez |