Promoción Económica busca fórmulas para aumentar a captación de cruceiristas chegados a Vigo
Por Redacción
Durante a campaña iniciada nos meses de verán no Porto de Vigo, co obxectivo de captar cruceiristas para que se achegasen a pasar o día en Pontevedra, "entre 60 y 80" persoas ao día solicitaron información da cidade.
Son datos ofrecidos pola concelleira de Promoción Económica de Pontevedra, Carlota Román, tras reunirse cun o presidente da Asociación Provincial de Hoteleiros (Asehospo) e da Federación Provincial de Hostaleiros (Feprohos), César Sánchez-Ballesteros.
Foi un primeiro achegamento a este tipo de turismo "de nivel adquisitivo medio-alto", pero a responsable municipal aposta por afondar nesta liña, polo que se negociará coas navieiras para que os pasaxeiros poidan dispoñer de informanción da capital provincial no mesmo barco.
Con todo, recoñece Sánchez-Ballesteros, "queda mucho por hacer", como solucionar a incerteza que xorde nos cruceiristas ao afastarse demasiado do porto ao que deben de volver en cuestión de horas.
Román e o representante dos hostaleiros acordaron ademais colaborar para promover o certame de PontedeTapas. Neste sentido pactouse que os finalistas do evento gastronómico pontevedrés participen na primeira edición dun concurso provincial que se celebrará a mediados de xaneiro.