A que cheira Pontevedra?
Por Oskar Viéitez
Coñecer polo miúdo que é o que respiramos os pontevedreses ou coñecer o nivel de ruído que soportamos é un dos obxectivos que persegue unha rede de sete sensores que se instalará en distintos puntos da cidade.
Este proxecto de innovación ambiental e tecnolóxica da Universidade de Vigo permitirá medir, vía satélite, os niveis de monóxido e de dióxido de carbono, de gases derivados do petróleo ou de partículas en suspensión. Ademais coñeceremos polo miúdo o ruído urbano da cidade.
Todos estes datos en tempo real, que serán de acceso público, forman parte do convenio de colaboración asinado entre o Concello, a Universidade de Vigo e a Fundación Empresa-Universidade Galega.
O concelleiro de Territorio e Infraestruturas, César Mosquera, explicou os detalles deste proxecto de investigación que nunha segunda parte que se desenvolverá o ano próximo tamén incluiría máis sensores en distintos ríos, brañas e acuíferos do municipio para avaliar a calidade da auga.
O Concello achegará 36.000 euros anuais para manter a actividade experimental deste grupo investigador da Universidade que converterá a Pontevedra nunha das cidades máis "vixiadas" de España.
Relacionadas:
-
O satélite Humsat xa recolle datos sobre ruído e contaminación dos sensores instalados en Pontevedra
Por Redacción |
-
Pontevedra, campo de probas para un proxecto de nanosatélites auspiciado pola ONU
Por Alejandro Espiño |
-
Nove de cada dez usuarios consideran que a auga da traída ten unha calidade "aceptable ou satisfactoria"
Por Alejandro Espiño |
-
A capital sufriu sete días con mala calidade do aire en 2012
Por Redacción |
-
Pontevedra probará nanosatélites para controlar en tempo real o estado dos seus ríos
Por Alejandro Espiño |