Dúas pezas e infinitas posibilidades de mobiliario urbano
Por Mónica Patxot & Oskar Viéitez
Empregando como punto de partida dúas pezas modulares de madeira, a interiorista Yolanda Rodríguez, o electricista Rafael Santomé e a titulada en Dirección e Administración de Empresas Isabel Portela deron forma a Urb@nc, un proxecto de mobiliario urbano premiado no programa sociocultural Tangram.
Mesas, bancos, hamacas, aparcabicicletas ou cadeiras, fórmanse de xeito "sinxelo e versátil", a partir da combinación das dúas pezas.
O xurado atopa este deseño coma "funcional, adaptable e economicamente accesible" polo que foi seleccionado por unanimidade como gañador do concurso Apostando polo deseño para tod@s. que buscaba promover a creación de mobiliario seguindo os principios do deseño universal.
O xurado estivo conformado por Juan Manuel Corbacho, vicerreitor do campus de Pontevedra; Anxos Riveiro, concelleira de Cultura; Carmen Fouces, concelleira de Benestar; Ana Oróns, secretaria xeral de Confemadera, e Ana María Prieto, xerente da Federación Galega de Parálise Cerebral.
Esta distinción abre aos gañadores a posibilidade de presentar a súa idea a representantes do sector do moble e da madeira, co obxectivo de que estuden a viabilidade de convertela en realidade.
Relacionadas:
-
'De bruxas e bolboretas', unha marea de accións contra a violencia de xénero
Por Redacción |
-
A Universidade e o Concello estreitan lazos a través de Tangram 2015
Por Redacción |
-
Módulos e madeira para tres novas visións do mobiliario urbano
Por Redacción |
-
Os veciños da Parda gañan o premio da Universidade de Vigo "Constrúe en verde"
Por Redacción |
-
O Concello e a Universidade reafirman os seus compromisos de colaboración
Por Redacción |