Moreira emenda os orzamentos da Xunta para incluír a Pontevedra no Plan de Transporte Metropolitano
Por Redacción
O presidente do Partido Popular de Pontevedra, Jacobo Moreira reuniuse este xoves coa directora xeral de Mobilidade da Consellería de Medio Ambiente, Territorio e Infraestruturas da Xunta de Galicia, Helena de Lucas, en Santiago de Compostela para anticiparlle a súa intención de presentar unha emenda aos orzamentos da Xunta de Galicia co fin de que se inclúa a Pontevedra no Plan de Transporte Metropolitano o vindeiro ano, dado que no proxecto orixinal non figura incluída.
Jacobo Moreira considera "indiscutible que Pontevedra necesita un servizo de transporte metropolitano que permita mellorar a mobilidade e a accesibilidade dos nosos veciños" un servizo que pode levarse a cabo a través deste plan.
Á aposta de Moreira polo transporte urbano, que depende da "vontade" do Concello de Pontevedra segundo os populares, súmanse agora estas xestións para que tamén se implante o transporte metropolitano.