A Deputación só tarda unha media de 17 días en pagar aos seus provedores
Por Redacción
Igual que fixo recentemente o Concello de Pontevedra, tamén a Deputación provincial presume de pagar os seus provedores cunha demora media por debaixo do límite legal. Segundo a institución, o período de pagamento de facturas foi entre 15 e 17 días no terceiro trimestre do ano. ÿ dicir, nos meses de xullo, agosto e setembro.
O importe dos pagos realizados neste período ascendeu á cantidade de 13.876.759 euros. Deles, 4,2 millóns corresponden ao mes de xullo, 2,9 ao de agosto e 6,6 ao pasado mes de setembro.
O informe do período de pago a provedores é relativo á Deputación de Pontevedra, así como á Escola de Enfermería e ao Consorcio de Incendios e Salvamento.
Desta información deuse conta xa na correspondente comisión informativa e levarase ao vindeiro pleno do día 31.