Pontevedra acolle as primeiras xornadas de farmacotecnia e elaboración de medicamentos
Por Oskar Viéitez
Por primeira vez, expertos de toda España daranse cita o venres 24 de outubro en Pontevedra, no Parador "Casa do Barón", para participar nas Xornadas sobre Farmacotecnia e Elaboración de Medicamentos que organiza o servizo de farmacia do Complexo Hospitalario Universitario de Pontevedra.
Esta xornada científica reunirá a máis de 60 especialistas dos servizos de farmacia dos hospitais máis significativos a nivel autonómico e nacional, representantes da consellería de Sanidade, da Axencia Española do Medicamento e membros da industria farmacéutica, que analizarán temas de máxima actualidade relacionados coa preparación de medicamentos, a innovación tecnolóxica e a seguridade e o control de calidade.
Expertos a nivel nacional debaterán sobre o presente e o futuro da preparación de medicamentos personalizados para cada paciente. A farmacia hospitalaria é esencial para que os pacientes podan dispor dun medicamento adaptado ás súas necesidades.
O servizo de farmacia hospitalaria da área sanitaria de Pontevedra e Salnés é un dos referentes autonómico e nacional na formulación de medicamentos individualizados, especialmente para pacientes pediátricos.