Escenificación moteira contra as 'coitelas' da ponte das Correntes
Por Redacción
A Plataforma Moteira pola Seguridade Vial realiza un acto simbólico de protesta tras "máis dun ano" sen que se solucionen os danos causados polo accidente dun camión na ponte das Correntes.
Ese accidente danou o valo da parte interior da rotonda converténdoa, segundo a plataforma, nun perigo para motoristas e ciclistas.
Así o recoñece o delegado en Pontevedra da asociación, Francisco Rodríguez, que cunha gran chave inglesa escenificou a desmontaxe das 'coitelas'.
Segundo explican os moteiros, o arranxo do valo estaría pendente da aprobación por parte da aseguradora do camión sinistrado no lugar.