Denuncian un home que utilizaba a tarxeta da súa muller falecida para aparcar en prazas para discapacitados
Por Redacción
Un home de 78 anos de idade foi denunciado por unha patrulla da Policía Local de Pontevedra despois de ter detectado que realizaba un uso fraudulento dunha tarxeta de reserva de estacionamento nunha parada de uso exclusivo para persoas con mobilidade reducida.
O 15 de outubro, a patrulla atopábase na Praza de Valentín García Escudero, o lugar onde se tiña coñecemento de que unha persoa estaba a empregar unha tarxeta de discapacitado de maneira ilegal. Desta forma, os axentes comprobaron como nun dos vehículos estacionados atopábase unha tarxeta a nome dunha muller falecida hai dous anos.
Os policías procederon á denuncia e requiriron a presenza do guindastre municipal para retirar o vehículo. Nese momento, apareceu o home, que se identificou como o condutor do turismo e alegou que ía recoller a súa muller, titular da tarxeta. Momentos despois, o home recoñecía que a súa esposa falecera pero, a pesar diso, seguía a empregar a tarxeta para aparcar en prazas destinadas a persoas con discapacidade.
A Policía Local de Pontevedra procedeu á denuncia por estacionamento indebido e requisou a tarxeta.
Relacionadas:
-
Amizade felicita a Policía Local polo control do uso incorrecto da tarxeta de discapacidade para aparcar
Por Redacción |
-
Denunciado por aparcar nunha praza reservada para discapacitados usando a copia dun cartón que atopou nun coche
Por Natalia Puga |
-
Denuncian tres condutores que aparcaban irregularmente en zonas reservadas para discapacitados
Por Redacción |
-
Denunciada por aparcar en prazas para persoas con discapacidade usando a tarxeta da súa nai morta
Por Natalia Puga |
-
Multan unha parella pontevedresa por aparcar utilizando dúas tarxetas de discapacitados falsificadas
Por Oskar Viéitez |