Cada día oito pontevedreses emigran ao estranxeiro
Por Oskar Viéitez
Galicia baléirase. Ademáis de falecer máis xente da que nace, a crise provocou a fuga dos estranxeiros que recalaran na comunidade e o éxodo dos galegos que buscan no exterior algunha oportunidade.
O pasado ano 2011 un total de 9.375 galegos emigraron fora de España.
Destes, 3.088 cidadáns que se marcharon ao estranxeiro eran da provincia de Pontevedra.
Cada día oito pontevedreses emigran ao estranxeiro.
En total 25 galegos trasladan cada día o seu lugar de residencia a outros países, segundo reflicten os datos do Instituto Nacional de Estatística.
Un ritmo constante, como o da tortura da pinga malaia.
Pero hai máis. O número crece si contamos tamén a aqueles galegos que fan as maletas para irse a outra comunidade dentro de España.
Segundo os datos de movementos migratorios do Instituto Galego de Estatística (IGE), o ano pasado abandonaron Galicia rumbo a outra comunidade do Estado 20.563 persoas; 6.562 desde Pontevedra.