O PP denuncia 206 irregularidades do goberno de Lores que non trasladará á Fiscalía
Por Redacción
O concelleiro do grupo municipal do Partido Popular, César Abal, denunciou as 206 irregularidades que o goberno de Lores cometeu durante o ano 2013 por "non cumprir o que establece a lei". Estes reparos dos funcionarios municipais realizados ao goberno local recóllense na Conta Xeral do pasado ano, con todo os populares non trasladarán esas irregularidades ante Fiscalía a menos dun ano das eleccións locais, segundo indicou César Abal que manifestou que así o decidiu o portavoz popular, Jacobo Moreira.
Os populares sinalan que os reparos céntranse en contratos de persoal no concello dos que se descoñece o labor que se desempeña, once prórrogas excedidas e ata catorce fraccionamentos de varios contratos de obras. Abal afirmou que "Lores xa se mostrou insumiso ás leis do Estado, insumiso ás sentenzas xudiciais, insumiso aos acordos plenarios e agora tamén se mostra insumiso aos seus propios funcionarios".
Desde o PP considérase que existe unha falta de compromiso en relación cos orzamentos deste ano xa que en setembro estase realizando unha modificación de crédito, que irá ao pleno do próximo luns, "en lugar de ultimar os orzamentos do próximo ano". César Abal entende que isto só é un parche e que pode provocar que se repitan situacións como durante o ano pasado nas que quedaron varias obras a medio executar como Blanco Porto ou fóra de proxecto como o cruzamento de Benito Corbal con Cobián Roffignac.
Relacionadas:
-
O PP alerta de que o Consello de Contas revisará 173 actuacións do Concello contrarias a Intervención
Por Redacción | Creada e actualizada
-
Unanimidade na corporación de Pontevedra para aprobar as contas locais
Por Oskar Viéitez & Mónica Patxot |
-
Lores cre que o PP só intenta facer "algo de barullito" coas súas críticas ás contas municipais
Por Alejandro Espiño |
-
O Concello engade un millón de euros ao orzamento 2014 para novos investimentos
Por Redacción |
-
O Concello pide un crédito de 2,9 millóns de euros
Por Oskar Viéitez |