200 persoas reclaman a Lores e a Louro un cambio na xestión dos crematorios
Por Redacción & Diego Torrado
A plataforma Non Crematorios Pontevedra Leste volveu saír á rúa na noite deste venres 12 para reclamar do goberno local un cambio en relación á instalación dun crematorio en San Amaro. Un grupo de veciños procedente da contorna do cemiterio pontevedrés trasladouse ata a pasarela de Xosé Adrio Barreiro onde esperaba o groso dos manifestantes para trasladarse todos ata a Praza de España instando o alcalde de Pontevedra, Miguel Anxo Fernández Lores, e o concelleiro de Urbanismo, Antón Louro, a que tomen as rendas e establezan conversacións con Funespaña para evitar que o proxecto do crematorio continúe adiante.
Os veciños piden negociación por parte dos responsables do goberno local neste tema e insisten en que outros colectivos en distintas localidades españolas se están a enfrontar á instalación de crematorios. Desta forma, os dirixentes da plataforma afirman que en Pola de Siero (Asturias), en Sant Joan (Alicante), en Valdemoro, Burgos e Málaga tamén se están a realizar concentracións de oposición.
Na manifestación á que asistiron ao redor de douscentos veciños encontrábanse presentes representantes do Partido Popular local co seu presidente, Jacobo Moreira, á cabeza. Ao mesmo tempo, dende a Plataforma continúan realizando actividades para coñecer as repercusións derivadas da instalación dos crematorios.
Relacionadas:
-
Moreira pide a Lores que sente a negociar coa plataforma Crematorios Non - Pontevedra Leste
Por Redacción |
-
O PP rexeita a modificación puntual do PXOM para a instalación do crematorio urbano
Por Redacción |
-
O Concello ultima a modificación do Plan Xeral para regular o tipo de solo apto para acoller crematorios
Por Redacción |
-
Funespaña confía en poder construir o crematorio en 2015
Por Oskar Viéitez & Mónica Patxot |
-
Moderada satisfacción, salvo no PP, tralo encontro entre os partidos políticos e os 'anti-crematorios'
Por Alejandro Espiño |