A Garda Civil detén dous veciños de Poio como presuntos autores de roubos en Cotobade e Campo Lameiro
Por Redacción
A Garda Civil detivo a M.J.J., de 33 anos de idade e a R.J.M., de 50, ambos os dous veciños de Poio, como supostos autores tres delitos de roubo con forza en vivendas, dúas delas no municipio de Cotobade e outra no de Campo Lameiro.
As investigacións, que viñan realizando os compoñentes do Posto da Garda Civil de Pontevedra para esclarecer os delitos deron o seu froito este martes 26 e logrouse deter os supostos ladróns.
O modus operandi consistía en localizar vivendas deshabitadas e, tras forzar a porta de entrada, apoderábanse de efectos que se encontraban no interior.
Os roubos, segundo a Garda Civil, cometéranse durante o pasado fin de semana e, coa detención, lográronse recuperar parte dos efectos subtraídos.
Os dous detidos contan con amplos antecentes policiais e foron trasladados ás dependencias do Posto da Garda Civil de Pontevedra onde se instruíron as dilixencias para ser postos a disposición do Xulgado de Instrución número dous de Pontevedra.