Póñense en marcha os cambios de dirección de tráfico na zona de San Roque de Abaixo
Por Redacción
Varias rúas do ámbito da zona de San Roque de Abaixo cambian de dirección durante este mércores 20 de agosto. Desta forma, as rúas Ribeira do Peirao, marxe esquerda e dereita da desembocadura do Río dos Gafos, ven modificada a dirección que tiñan ata agora.
A marxe esquerda, dende San Roque a Ponte Novo, será de dirección única cara a Palamios, mentres que ata o momento tiña sentido único con saída en San Roque.
A marxe dereita, dende a Avenida de Marín ata Ponte Novo será de dirección única e de saída cara á Avenida de Marín, ata agora esta rúa tiña dobre dirección de entrada e de saída.
A rúa Palamios será de dirección única, dende San Roque con saída a Raíña Vitoria. O tráfico procedente de Rosalía de Castro será desviado cara a Raíña Vitoria, salvo servizos e garaxes. Nestes casos, permitirase a entrada dos vehículos cara á praza de Palamios.