400 particulares solicitaron autorización para montar os seus "xantares" na Festa da Batalla de Ponte Caldelas
Por Redacción
Catrocentos particulares, entre familias e grupos de amigos, xa retiraron a autorización nas oficinas municipais para poder montar as súas mesas para xantares e dispoñer dun cómodo espazo na zona comprendida entre a pasarela peonil de madeira e o antigo balneario durante a celebración da Festa da Batalla de Ponte Caldelas, na que se recrea a pasaxe da Guerra da Independencia. Este evento desenvolverase o domingo 24 de agosto a beiras do río Verdugo.
Segundo a organización desta festa, a cifra rexistrada sitúase nun volume similar ao da edición de 2013 e os solicitantes deberán adaptarse ao espazo asignado pola organización sen poder excederse no número de metros que ocupan. Os postos deberán ser de madeira ou estar cubertos con tecidos rústicos como o liño, o lenzo ou a tea de saco. Ademais, todos os comensais terán que estar vestidos de época histórica, con roupas ambientadas a principios do século XIX e deberá priorizarse o uso de materiais como barro ou porcelana tradicional.
Os comensais que precisen facer lume deberán facelo constar e será necesario o uso de carbón vexetal e contar con, polo menos, un extintor camuflado preto dos asadores. O incumprimento desta norma supoñería o precinto da mesa e do espazo.
Recoméndase, ademais, que se mollen as alpacas de palla e que non se usen como cadeiras ou mesas dos comensais.
Relacionadas:
-
O PP reprocha o alcalde de Ponte Caldelas que elimine a 'Festa da Batalla' a pesar do seu potencial turístico
Por Redacción |
-
As tropas francesas volven caer na Batalla de Ponte Caldelas
Por Anxo Lourido |
-
Ponte Caldelas ponse 'guapa' para a Festa da Batalla
Por Redacción |
-
Medio cento de artesáns participarán na Feira Antiga do Camiño dos Arrieiros
Por Redacción |
-
Aberto o prazo para solicitar xantares particulares na Festa da Batalla
Por Redacción |
-
A Festa da Batalla e os Dolores, grandes citas festivas para o mes de agosto en Ponte Caldelas
Por Redacción |