Lores desvela que dúas sentenzas sen executar pesan sobre o soldo dos funcionarios municipais
Por Oskar Viéitez
"Aínda estamos en prazo, estea vostede tranquilo", respondeu o alcalde de Pontevedra, Miguel Anxo Fernández Lores, ao ser preguntado durante o pleno por cal será a resposta do Concello ante a sentenza do Tribunal Superior de Xustiza de Galicia (TSXG) que obriga a devolver o complemento de produtividade a un grupo de traballadores municipais.
Lores insistiu ante a interpretación do xefe da oposición, Jacobo Moreira, que os servizos xurídicos do Concello están a estudar un posible recurso aínda que non aclarou máis.
O rexedor desvelou que "curiosamente, para que se saiba, hai sentenzas, dúas que eu saiba, dicindo que teñen que devolver unha subida salarial encuberta, unha de gobernos anteriores ao meu e outra do meu goberno", as dúas están sen executar .
"No dé más pistas", respondeulle o voceiro popular, "non o sabías? E que eu non teño nada que ocultar, sintóo", contestou o alcalde.
"Era unha afronta tomar unha medida así na cidade de Rajoy", declarou o alcalde.
Fernández Lores afirmou que Moreira "para medrar no PP" impulsou a demanda interposta pola Subdelegación do Goberno contra a medida adoptada por goberno local co apoio da xunta de persoal e do sector privado da cidade. Dos máis de 8.000 municipios españois, só foi "represaliada" en Pontevedra "porque era unha afronta tomar unha medida así na cidade de Rajoy", declarou o alcalde.
Finalmente Lores asegurou non entender como a Xustiza non mantén un mesmo criterio ao cambiar de cidade, para o que recorreu Lores a un símil médico: "Un infarto de miocardio trátase igual en Pontevedra que na Coruña ou Madrid, e en xustiza debería ser o mesmo", concluíu.
Relacionadas:
-
Pagarán a todos os funcionarios municipais parte da extra que o Goberno lles retirou en 2012
Por Redacción |
-
O Goberno estuda ampliar a demanda da paga de produtividade a Policía Local e Bombeiros
Por Alejandro Espiño |
-
Fernández Lores: "Moreira só está defendendo os intereses do seu partido e facendo méritos para medrar no PP"
Por Redacción |
-
Xavier Vence visita Pontevedra para mostrar o apoio "incondicional" do BNG no asunto da 'paga extra'
Por Alejandro Espiño |
-
Os sindicatos do Concello plantan a Jacobo Moreira
Por Anxo Lourido |
-
Moreira asegura ser "alleo" o conflito da paga extra e insta a Lores a pagar do seu peto "a desfeita que montou"
Por Redacción |
-
O PSOE critica a "incontinencia verbal" do alcalde en relación coa sentenza das "pagas extra"
Por Redacción |