16 artesáns danse cita ata o 5 de agosto na feira Chalana
Por Mónica Patxot
Queda inaugurada a cita anual coa artesanía en Pontevedra. Entre este xoves 17 de xullo e o próximo 5 de agosto permanecerán abertas no paseo de Antonio Odriozola as casetas de 16 artesáns, que este ano ofrecerán as mellores creacións feitas a man de Galicia durante máis días dos habituais para atender ás demandas que en edicións anterioes fixeran tanto os participantes coma o público.
A feira, organizada pola Asociación de Deseño Atlántico que preside Salvador Vázquez, ten este ano maior acollida que en edicións previas. Os 16 postos que quedan abertos ao público son catro máis que en ao pasada edición.
Entre as 11.00 e as 14.00 horas pola mañá e de 19.00 a 23.00 horas pola tarde, Chalana ofrecerá cerámica, metal, prata, xoiaría, téxtil, xoguetes, ourivaría e instrumentos para un público que acostuma ser moi fiel á cita.