Unha familia de Bueu hospitalizada de urxencia por inhalación de monóxido de carbono
Por Redacción
Tres membros dunha mesma familia, a nai, o pai e o fillo menor, foron trasladados polos servizos sanitarios de urxencia ata o Hospital de Montecelo e Provincial de Pontevedra ao resultar intoxicados por inhalación de monóxido de carbono no seu domicilio en Bueu.
Segundo os datos facilitados polo 112 Galicia o suceso tivo lugar ás 7,40 horas deste martes na vivenda na que residen na rúa Ramorta. Ata o domicilio acudiron os Bombeiros do Morrazo, así como á Policía Local e aos efectivos de Protección Civil de Bueu.
Os bombeiros confirmaron ao Centro de Atención de Emerxencias que as medicións deran positivo, polo que procederon a ventilar a vivenda.