Sanxenxo descarta cobrar con carácter retroactivo co novo regulamento de vaos
Por Oskar Viéitez
O goberno local do Concello de Sanxenxo levará a Pleno ordinario do próximo luns a aprobación inicial do novo regulamento de vaos que xa estivo a exposición pública durante vinte días, sen que se presentou ningunha alegación, e estará outros 30 días hábiles, tras o trámite plenario.
Desde o goberno do alcalde Telmo Martín destacaron que non fará ningún tipo de cobranza con carácter retroactivo como contempla a lei nestes casos nin tampouco obrigará a ningún veciño para solicitar o vao.
Na comisión de Asuntos Xerais celebrada este martes, o portavoz do BNG, Fran Leiro, preguntou expresamente se o goberno local tiña intención da cobranza do vao con carácter retroactivo.
O executivo sanxenxino lamenta que "a pesar de que o alcalde, Telmo Martín, díxolle que esa vía estaba completamente descartada, Leiro convoca agora aos veciños á desesperada co único obxectivo de asustar e de mentir sobre un regulamento que xa existe noutros concellos da contorna, algúns deles gobernados, por certo, polo BNG".
Relacionadas:
-
O Bloque advirte do "afán recadador e intimidatorio" da nova ordenanza de vados de Telmo Martín
Por Redacción |
-
Sanxenxo cancela o proceso de revisión do padrón de vaos
Por Oskar Viéitez |
-
Sanxenxo prepara a actualización de taxas e prezos de actividades que non se modificaron nos últimos 12 anos
Por Oskar Viéitez |