O Gran Montecelo, o "compromiso irrenunciable" do PPdeG
Por Redacción
"O Gran Montecelo é xa un compromiso irrenunciable. A área sanitaria de Pontevedra ten e terá un gran protagonismo durante os vindeiros anos". Con estas palabras o candidato pola provincia de Pontevedra e conselleiro de Sanidade, Jesús Vázquez Almuíña, certificou este venres o compromiso firme de Alberto Núñez Feijóo e o PPdeG coa sanidade pública en Pontevedra.
Máis de 130 médicos e profesionais do sector sanitario da provincia participaron este venres no acto sectorial sobre sanidade organizado polo PP de Pontevedra e no que estiveron tamén presentes Ana Pastor e os candidatos da cidade, Guadalupe Murillo e Jacobo Moreira.
Durante o encontro, Vázquez Almuíña lembrou que "a pesar das dificultades, logramos un alto nivel na calidade do noso sistema sanitario" e recalcou que "isto foi tamén gracias ao esforzo e dedicación constante de todos os profesionais do sector".
"O Gran Montecelo é xa un proxecto cos pés na terra, froito dun amplo consenso. Agora queda seguir avanzando na definición do Plan Funcional para o que contamos coa colaboración dos profesionais do sector, é importante definir o futuro Gran Montecelo coa vosa colaboración", salientou.
Vázquez Almuíña lembrou que "hoxe os galegos valoran a sanidade pública máis que hai sete anos e máis que no conxunto de España. Na actualidade contamos con máis e mellores infraestruturas, e neste 2016, 7 de cada 10 galegos teñen un hospital público ou centro de saúde novo ou renovado. Concretamente, en Galicia temos 31 centros de saúde xa rematados, dous en fase de construción e 9 renovados".
Pola súa parte, o presidente local do PP de Pontevedra e candidato, Jacobo Moreira, destacou "o compromiso de Feijóo coa área sanitaria de Pontevedra e a dedicación e esforzo do conselleiro, Jesús Vázquez Almuíña, pola súa contribución a desbloquear a situación que estábamos a vivir. Isto avanza e seguirá avanzando".
Relacionadas:
-
O Plan Funcional do novo Montecelo dá os primeiros pasos
Por Redacción |
-
E a Xunta rectificou e ampliará Montecelo despois de perder sete anos
Por Oskar Viéitez |
-
O PP comprométese a traballar para mellorar a "excelencia" dos mercados galegos
Por Redacción |
-
Beatriz Mato reitera en Lourizán que o saneamento da ría é "prioritario" para o PP
Por Redacción |
-
Cospedal, de campaña en Poio e Bueu: reitera que en Galicia "no podemos permitirnos un bloqueo"
Por Alejandro Espiño & Cristina Saiz |