Beatriz Mato reitera en Lourizán que o saneamento da ría é "prioritario" para o PP
Por Redacción
Se o PPdeG volve gañar as eleccións o 25 de setembro, a ría de Pontevedra seguirá sendo "prioritaria" e haberá unha solución "definitiva" en materia de saneamento. Así o destacou a conselleira de Medio Ambiente, Beatriz Mato, nun encontro que mantivo en Lourizán con veciños da parroquia.
Acompañada polos candidatos Lupe Murillo e Jacobo Moreira e o director de Augas de Galicia, Roberto Rodríguez, Mato ratificou o compromiso "firme" dos populares con esta actuación, como xa se recolle nos orzamentos deste ano, dixo, nos que se destinaron arredor de 11 millóns de euros para actuacións en Marín, Poio e na redacción dun plan de saneamento, "que xa está adxudicado e no que se está a traballar".
Mato lembrou que o PPdeG traballa nesta liña dende o ano 2009, coa declaración de especial sensibilidade, e a partir do 2015 coa declaración de obra de interese, porque "das nosas rías vivimos, traballamos, comemos e gozamos, son a nosa prioridade".
Neste sentido, Beatriz Mato apelou á colaboración entre administracións, porque recordou que a Xunta "non pode ser a única, senón que os concellos da ría deberán desenvolver as súas competencias".
O plan de saneamento, no que xa se está a traballar, será a folla de ruta que seguirá o goberno de Feijóo de cara aos investimentos que se destinen ata o ano 2020. Concretamente, máis de 45 millóns de euros, única e exclusivamente da Xunta de Galicia, aos que se engaden os 15 millóns de euros que investirá a empresa Ence.
Relacionadas:
-
Marín analiza con Medio Ambiente como mellorar o saneamento da ría
Por Redacción |
-
A Xunta anuncia que en marzo estará redactado o anteproxecto do novo emisario submarino
Por Oskar Viéitez |
-
Rueda destaca que o PP só fala "de lo que va a pasar en Galicia y no de otra cosa"
Por Alejandro Espiño |
-
O Gran Montecelo, o "compromiso irrenunciable" do PPdeG
Por Redacción |
-
O PP comprométese a traballar para mellorar a "excelencia" dos mercados galegos
Por Redacción |
-
Mar confía en que se consiga "volver aos bos anos de marisqueo" na Ría de Pontevedra
Por Natalia Puga & Cristina Saiz |
-
En Marea identifica a ENCE como exemplo da "política tóxica" do PP en medio ambiente
Por Redacción |