Compromiso por Galicia anima aos "desencantados do PSOE" a que lles voten
Por Oskar Viéitez & Daniel Santomé
En Pontevedra, nun acto xunto á candidata á alcaldía, Pilar Dopazo, o secretario xeral de Compromiso por Galicia, Xoán Bascuas, pedíu este martes o voto para a súa formación de todos os "desencantados do Partido Socialista", porque, "o galeguismo e a socialdemocracia militan agora en Compromiso por Galicia".
Bascuas afirmou que "o único xeito de garantir a defensa das políticas sociais desde o compromiso co país, sen extremismos e gobernando para todas e todos é que Pilar Dopazo estea na nova corporación do Concello de Pontevedra despois do día 24". Por iso insistiu aos desencantados do PSOE que pensan na abstención: "quedar na casa non axuda a cambiar as cousas, votar Compromiso si".
O líder galeguista explicou que "Compromiso preséntase a estas eleccións para dar resposta ás persoas que buscan un proxecto de cidade e de país, pensado para toda a cidadanía, e rexeitan ós que gobernan só para os seus, ou incluso máis, contra todos os que non o sexan".
A candidata, Pilar Dopazo, pediu o voto para Compromiso para "facer cidade entre todas e todos, porque formamos parte de Pontevedra". Explicou un proxecto baseado na transparencia e dirixido á xente de a pé, do centro e do rural, que "atenda ás demandas de emprego e de atención das persoas con maior necesidade". Propuxo a eliminación de asesores, viaxes e festas do orzamento municipal para dedicar estes cartos á creación de emprego e servizos sociais.
O programa de Compromiso por Galicia para Pontevedra inclúe a creación do Clúster das Artes, que faría da cidade "a capital do deseño e, consecuentemente atraería empresas e con elas o emprego", aseverou Dopazo.
Ao acto acudiu tamén un dos cabeza de cartel máis novos destas eleccións, o candidato por Poio, Cristobal Mora.
Relacionadas:
-
Compromiso por Galicia critica a mala calidade da internet no extrarradio da cidade
Por Redacción |
-
Compromiso por Galicia propón destinar a zona verde o aparcadoiro de Pasarón e crear outro máis amplo
Por Redacción |
-
Un clúster empresarial da arte e o deseño, aposta de CxG para o antigo edificio de Facenda
Por Alejandro Espiño & Cristina Saiz |
-
Valentín Bóveda: "Despois de coñecer a Pilar Dopazo (CxG), a semente de Bóveda segue viva"
Por Natalia Puga |
-
Compromiso propón desprazar a autovía de Marín cara os terreos de ENCE e construír un gran paseo verde
Por Redacción |
-
"Pontevedra máis bonita non pode estar. Pero se non teño para comer, de que me vale?"
Por Alejandro Espiño & Mónica Patxot |