Décimo cuarto posto para Támara Echegoyen e Berta Betanzos no Campionato Norteamericano
Por Redacción
O Campionato Norteamericano de Vela, celebrado estes días en augas de Miami, finalizou cun décimo cuarto posto para a pontevedresa Támara Echegoyen e a súa compañeira Berta Betanzos no 49er FX.
Echegoyen, patroa da embarcación, mostrouse satisfeita ao termo dos tres días de competición, primeiros do ano, que se celebrou nunhas difíciles condicións, coa inestabilidade do vento como protagonista: "El campo de regatas fue muy inestable y la dificultad en cada manga permitió entrenar de la manera que buscábamos. Completamos diez pruebas entre las mejores de la modalidad, firmando parciales muy buenos y sobre todo con muchas cosas aprendidas", sentenciou a campioa olímpica.
A proba resultou un bo adestramento para o dúo, que a próxima semana, no mesmo campo de regatas, afrontarán a primeira gran cita do ano, a ISAF Sailing World Cup de Miami, na que Támara Echegoyen e Berta Betanzos intentarán continuar coa súa progresión nesta clase coa "confianza de que todos los errores cometidos estos días nos ayudarán a ser mejores en la siguiente competición", segundo defendeu Támara.
O triunfo do Campionato Norteamericano foi para as francesas Sarah Steyaert e Julie Bossard, seguidos das brasileiras Martine Soffiatti Grael e Kahena Kunze e as británicas Frances Peters e Nicola Groves.
Relacionadas:
-
Támara Echegoyen busca en Palma situarse en "el top de la clase" 49er Fx
Por Redacción |
-
Boas sensacións de Támara Echegoyen en Miami: undécima na primeira proba da Copa do Mundo
Por Alejandro Espiño |
-
Támara Echegoyen e Berta Betanzos estrean ano en Miami coa vista posta na Copa do Mundo
Por Redacción |