Antonio de Segovia proclámase campión de España contra o reloxo en categoría Elite
Por Redacción
O ciclista do Grupo Deportivo Supermercados Froiz Antonio de Segovia proclamouse campión de España de contra o reloxo Elite no campionato que se celebra na localidade leonesa de Bembibre.
O ciclista alimenticio completou os 43,8 quilómetros da proba nun tempo de 59:19, sete segundos mellor que o segundo clasificado David Muntaner, e once que o terceiro, Vicente García de Mateos.
Ademais da crono de Antonio de Segovia, dous corredores máis do equipo dirixido por Evaristo Portela concluíron entre os 15 primeiros: Sergio Míguez (11º) e Aser Estévez (14º).
Este sábado (16:00 horas) dispútase a proba en ruta cun percorrido de 136,4 quilómetros con saída e chegada en Bembibre.