A Baixada do Umia queda na casa
Por Redacción
Ao redor de 200 piragüistas de 24 clubs galegos tomaron parte este domingo na 24º edición da Baixada do Umia.
O club local, o Náutico O Muíño de Ribadumia, foi o gran vencedor da xornada na clasificación por equipos, que encabezou con 927 puntos por diante de Piragüismo Olívico (716 puntos) e o Club Naval de Pontevedra (694 puntos).
A competición disputábase nas modalidades de K-1 e C-1, cun percorrido de 14 quilómetros entre a praia fluvial de Portas e Cabanelas, onde estaba situada a meta.
A nivel individual a vitoria no K-1 senior foi para Jesús Rodríguez (Fluvial O Barco), seguido por Iván Domínguez (Piragüismo Portonovo) e terceiro Ion Carballo (Naval de Pontevedra), mentres que na baixada feminina venceu Andrea Piñeiro (Náutico Firrete), sendo a prata para Gloria Silva (Piragüismo Olívico) e o bronce para María Alonso (Club Piragüismo Olívico).
Na modalidade de canoa o primeiro posto foi para Ramón Ferro (Náutico O Muiño), a segunda praza do podio foi para Diego Romero e a terceiro para Miguel Castros, ambos os do Breogán.
Os demais gañadores foron en cadete masculino K-1, Marcos Muñiz (Piragüismo Portonovo), cadete masculino C-1 Borja Lamas (Breogán), muller cadete K-1 Eva Estévez (Piragüismo Olívico), xuvenil masculino K-1 Martiño Beloso (Naval de Pontevedra), muller xuvenil K-1 Lúa Cubiella (O Muiño), xuvenil masculino C-1 Manuel Fontáns (O Muiño), home veterano K-1, Bernardo Sánchez (Fluvial O Barco), veterano home C-1, Roberto Noya (O Muiño) e muller veterano K-1, María del Palacio (Piragüismo Olívico).