Máis de 600 xóvenes xogadores converten nun éxito o V Torneo de Fútbol 8 de Cuntis
Por Redacción
Preto de 600 xogadores e ao redor de 3.000 persoas nas bancadas ao longo da fin de semana. É o cálculo que fai a organización do Torneo de Fútbol 8 Termas de Cuntis na súa quinta edición.
Ata 40 equipos nas categorías biberón, prebenxamín, benxamín e alevín déronse cita no campo de fútbol municipal da Ran para gozar do torneo organizado polo Atlético Cuntis.
Conxuntos de Santiago, Milladoiro, Bertamiráns, A Estrada, Lalín, Silleda, Valga, Noia, Boiro, A Pobra do Caramiñal, Ribeira, Vilagarcía de Arousa, Vilanova de Arousa, Pontevedra, Meaño, Moraña ou Cangas, ademais dos locais do Cuntis, déronse cita ao longo da fin de semana na competición.
En categoría biberón o vencedor foi EFB A Estrada ao vencer o Cuntis (3-0), na prebenxamín fixo o propio o AJ Lérez ante EFB A Estrada, na benxamín gañou o Noia aos penalti o equipo anfitrión e en idade alevín o título foi para o AtleticoCuntis vencendo na final ao EF Lalín (1-0).