Marín e Pontevedra contáxianse de baloncesto co inicio dos campionatos de España infantil
Por Redacción & Diego Torrado
Deportividade, gran ambiente e sobre todo moita emoción. Así levantaron o pano este domingo en Marín e Pontevedra os Campionato de España de baloncesto infantil.
Os pavillóns da Raña, O Sequelo e o Colexio San Narciso de Marín viviron unha frenética primeiro xornada de competición na categoría masculina.
Ata seis encontros disputáronse nas dúas primeiras canchas, mentres que o San Narciso acolleu catro encontros nunha xornada positiva para os equipos galegos. Dos tres en liza só Instituto Rosalía cedeu ante Cantbasket (44-54), mentres que Estudiantes de Lugo venceu á Roda (79-51) e Peleteiro a CB Ilicitano (61-48).
Destacou ademais o esmagador triunfo do Real Madrid ante Guadalupe (57-6) confirmándose como un dos grandes favoritos ao título, mentres que Barcelona superou con solidez a UCAM Murcia (82-50).
En canto ao torneo feminino, o domingo foi igual de frenético nos pavillóns pontevedreses de Príncipe Felipe, Universitario e o Centro Galego de Tecnificación Deportiva.
Aquí os equipos galegos non tiveron un bo día, con derrotas de Allariz ante o Gran Canaria (48-91), Bosco Salesianos contra Basket Almeda (53-66) e Celta ante Ordizia.
Os Campionatos de España de baloncesto en categoría infantil prolongarán a súa actividade en Marín e Pontevedra ata o vindeiro sábado día 16 de xuño.
Relacionadas:
-
Real Madrid e Unicaja, vencedores dos campionatos de España de baloncesto infantil
Por Redacción |
-
O Nacional Infantil de Baloncesto é 'La Bomba'
Por Redacción |
-
Os Nacionais de baloncesto infantil entran na súa fase decisiva
Por Redacción |
-
Unha semana de baloncesto polos catro custados en Marín
Por Redacción |
-
O Campionato de España Infantil Feminino de Baloncesto, en números
Por Diego Espiño |
-
Marín tamén quenta motores para o Nacional Infantil de Baloncesto
Por Redacción |
-
O Nacional Infantil Feminino de Baloncesto desvela os seus grupos de competición
Por Redacción & Mónica Patxot |