O Poio Pescamar, con todo o plantel para pechar o seu pase á Copa de España
Por Redacción
Xoga todas as súas opcións o Poio Pescamar este sábado (18:00 horas) no Pavillón da Seca na última xornada de liga, na que espera lograr o billete para participar na Copa de España por segunda tempada consecutiva.
As vermellas dependen de si mesmas para asegurar a sétima praza, a última que dá acceso ao torneo copeiro, pero para iso deben igualar o resultado dun Penya Esplugues ao que avantaxa nun punto e que xogará ante o Móstoles.
Pola súa banda as xogadoras adestradas por Marcio Santos, que se despedirá da Seca, reciben a visita do UCAM Pozo Murcia, noveno na táboa pero que xa non ten ningún obxectivo a tiro.
Gañando, calquera conta do Penya Esplugues é inútil, e a iso agárrase un Poio Pescamar que conta para a cita con todo o seu plantel dispoñible.
A convocatoria para o encontro compóñena: Silvia, Tami, Jenny, Ale de Paz, Carol, Daniella Sousa, Iria Saeta, Jessi Lores, Yoli, Patri Corral, Delise e Ceci.
Relacionadas:
-
Sufrimento con final feliz para o Poio Pescamar, que estará na Copa de España (3-2)
Por Redacción |
-
Poio Pescamar dá a sorpresa e arrinca un punto de ouro en Alicante (3-3)
Por Redacción |
-
Poio organizará o Campionato de España Infantil Feminino de fútbol sala
Por Redacción |
-
Goleada do Poio Pescamar ante o Majadahonda (9-3) para manterse en posto copeiro
Por Redacción |