Exitosa estrea do Open Treboada de ximnasia acrobática
Por Redacción & Diego Torrado
O pavillón da Cidade Infantil de Príncipe Felipe acolleu durante a fin de semana con éxito a estrea do Open Treboada Cidade do Lérez de ximnasia acrobática.
Na competición organizada polo Club Treboada participaron preto de 300 ximnastas de nivel nacional e internacional.
En concreto tomaron parte os clubs:Gimnasio Clube Vila do Condense, ACM, Acro Clube de Maia, Flic-Flac de Vigo, Acrobática Gondomar, Club Andraga (Madrid) e o propio Treboada.
Henrique Silva, Joao Pereira, Henrique Piqueiro e Miguel Silva (Acro Clube de Maia) fixéronse co primeiro posto absoluto, Belén Gómez, Andrea Verísimo, Alexandra González (actuais campioas de España Club Flic-Flac Vigo) foron segundas e Matilde Couto e Mariana Machado (Acro Clube de Maia) foron terceiras.