Goleada do Poio Pescamar ante o Majadahonda (9-3) para manterse en posto copeiro
Por Redacción
Mantén a súa vantaxe o Poio Pescamar na pelexa por entrar na fase final da Copa de España, despois de golear na súa cancha este sábado o Majadahonda FSF (9-3).
O triunfo mantén ás vermellas na sétima posición con 45 puntos, tres máis que o Penya Esplugues cando só restan dúas xornadas para o final da liga regular.
O Poio mostrou unha gran imaxe no inicio do choque, cunha presión alta que deu os seus froitos. Ale de Paz facía o primeiro aos 30 segundos de xogo, e Jenny ampliaba a renda aos 4 minutos referendando as boas sensacións.
Tentaba reaccionar o cadro visitante, pero o que chegaría antes do descanso serían tres tantos máis das xogadoras adestradas por Marcio Santos, de Ale de Paz, Ceci e Iria que encarrilaban o partido.
Na continuación aínda chegaría o sexto, de Patri Corral, antes de que o Majadahonda conseguise recortar distancias con dúas tantos consecutivos. Con todo Ceci, Daniela e Jenny encargáronse de cortar calquera esperanza redondeando a xornada de festa local.
POIO PESCAMAR (9): Silvia, Iria, Jenny, Ceci, Ale de Paz -cinco inicial- Delise, Daniela, Patri Corral, Cárol, Yoli, Mónica.
MAJADAHONDA FSF (3): Lauri, Marta, Elena, Andrea, María -cinco inicial- Nerea, Marta Mateo, Ana Belén, Jéssica.
Árbitros: Guntín Garrido e Otero Mira. Amoestaron a Novoa e Marta Mateo no Majadahonda e a Delise e Daniela no Poio.
Goles: 1-0 Ale de Paz (min.1), 2-0 Jenny (min.4), 3-0, Ale de Paz (min.12), 4-0 Ceci (min.13), 5-0 Iria (min.15), 6-0 Patri Corral (min.23), 6-1 Jéssica (min.24), 6-2 Andrea (min.26), 7-2 Ceci (min.27), 7-3 Ana Belén (min.37), 8-3 Daniela (min.39), 9-3 Jenny (min.39).
Incidencias: Partido de liga da Primeira División disputado no Pavillón Municipal da Seca de Poio.
Relacionadas:
-
O Poio Pescamar, con todo o plantel para pechar o seu pase á Copa de España
Por Redacción |
-
Poio Pescamar dá a sorpresa e arrinca un punto de ouro en Alicante (3-3)
Por Redacción |
-
Alcorcón imponse a Poio Pescamar (5-3) e aperta a clasificación para a copa
Por Redacción |
-
Fin á etapa de Marcio Santos no Poio Pescamar
Por Redacción |