Festa de fin de curso no Pontevedra
Por Diego Espiño
Xornada de despedidas no Pontevedra Club de Fútbol. O primeiro plantel granate realizou este mércores o seu último adestramento da tempada, no que non faltaron bromas e risas prolongando a celebración pola permanencia na Segunda División B.
Sobre o céspede de Pasarón non só xogadores, tamén todo o corpo técnico e ata o conselleiro responsable da planificación deportiva, Roberto Feáns, vestidos de curto e lembrando os seus tempos como futbolistas.
Imaxes divertidas que tiveron como centro unha serie de partidiños entre tres equipos, no que participaron o propio Feáns, Luismi e o resto dos técnicos.
Aínda por riba, Álex Fernández e Adrián León demostraron maneiras baixo paus competindo co adestrador de porteiros e exgardameta do primeiro equipo, Moncho.
Unha boa maneira de sacar fóra toda a tensión acumulada ao longo dunha difícil campaña e antes de empezar a pensar no futuro, que nalgúns casos seguirá estando ligado á cor granate pero noutros non.
Tras o exercicio, o plantel tiña prevista unha comida de despedida.
REUNIÓN DO CONSELLO DE ADMINISTRACIÓN
Pechada a tempada deportiva, o club debe empezar a mover ficha e tomar as primeiras decisións para planificar a próxima campaña, empezando por decidir quen será o inquilino do banco de Pasarón e seguindo por presentar ofertas de renovación ás xogadores que queren reter en nómina.
Neste aspecto, o Consello de Administración ten previsto reunirse este mércores tras a citada comida para facer balance do curso e empezar a pensar nos obxectivos e o futuro próximo do equipo.
Relacionadas:
-
Traballo na sombra e ferrollo informativo cos primeiros movementos do Pontevedra
Por Diego Espiño |
-
Tempo de toma de decisións no Pontevedra
Por Diego Espiño |
-
Unha permanencia que vale máis do que parece
Por Diego Espiño |
-
Lupe Murillo: "Hace dos meses que me veía como equipo de Tercera. Para mí es una alegría"
Por Diego Espiño |
-
Salvados! O Pontevedra gaña en Madrid (0-2)
Por Diego Espiño & Ramiro Espiño |