A Pontevedra 4 Picos mantén o seu poder de convocatoria
Por Redacción & Paula Sanmartín
En apenas catro anos a Pontevedra 4 Picos Desafío Rías Baixas consolidouse no calendario do BTT autonómico e nacional.
Así o demostran os máis de 1.400 deportistas que participarán o próximo sábado 12 de maio na proba, centrada nesta ocasión na bicicleta de montaña e que foi presentada oficialmente este mércores no Concello de Pontevedra coa presenza da concelleira de Deportes, Anxos Riveiro, e o responsable da empresa organizadora Global DxT, Josevi Cimadevila.
Os ciclistas completarán un esixente percorrido de 132 quilómetros na súa opción longa, con saída desde o Recinto Feiral ás 8:30 horas, ou de 66 quilómetros na súa opción reducida con dúas ascensións (saída ás 9:00 horas).
Nesta ocasión a organización introduciu un cambio significativo ao variar a orde das subidas, xa que o percorrido comezará ascendendo o Monte Castrove, seguirá polo Pontillón do Castro e tras pasar pola zona cero concluirá cos picos da Fracha e o Lago de Castiñeiras.
Unha xornada de BTT maratón pensada para gozar dunha ruta por algúns dos mellores puntos das Rías Baixas e que, como en anteriores ocasións, non será competitiva.
Relacionadas:
-
Éxito de participación na cuarta edición da Pontevedra 4 Picos
Por Redacción |
-
O piragüismo e a BTT provocan restricións de tráfico na beira do río
Por Redacción |
-
1.200 quilos de solidariedade na Pontevedra 4 Picos
Por Redacción |
-
A Pontevedra 4 Picos, unha auténtica festa do ciclismo BTT na súa terceira edición
Por Diego Espiño |