Chihiro Tanaka, un mes de proba co Poio Pescamar
Por Redacción
O Poio Pescamar conta desde este luns cunha nova futbolista, en período de proba, para o seu primeiro plantel, mentres o equipo céntrase na recta final da competición ligueira e en tentar pechar a súa presenza na Copa de España.
Trátase da internacional xaponesa Chihiro Tanaka, xogadora de 26 anos que afronta a súa primeira experiencia en Europa.
Tanaka, que actúa na posición de peche, márcase un mes de prazo para tentar convencer a Marcio Santos e ao club de que ten un oco no equipo.
É a segunda vez que o Poio Pescamar mira cara a Xapón, xa que hai tres tempadas, con Morenín no banco, mantivo durante dous meses e medio nas súas filas á xogadora Chihiro Uematsu.
Con Chihiro Tanaka integrada nos adestramentos, o conxunto vermello comezou a preparar o duelo da próxima fin de semana ante o Burela, partido que con case total seguridade perderá Silvia Aguete ao estarse a recuperar dunha doenza no xeonllo.
Relacionadas:
-
Vitoria sufrida do Poio Pescamar sobre Guadalcacín (4-2) para achegarse á Copa
Por Redacción |
-
Prohibido fallar para o Poio Pescamar para non ver perigar a súa praza copeira
Por Redacción |
-
Burela véngase goleando ao Poio Pescamar (7-1)
Por Redacción |
-
Vitoria do Poio Pescamar ante o Leganés para achegarse á Copa (5-3)
Por Redacción |
-
Recepción municipal ao Poio Pescamar polo seu segundo título de Copa Galicia
Por Redacción & Mónica Patxot |
-
Correctivo para o Poio Pescamar en Murcia (4-1)
Por Redacción |