O Poio Pescamar tamén para pola folga do 8M
Por Redacción
O mundo do deporte non é alleo á folga feminista convocada este xoves 8 de marzo, e así o visibilizou un dos clubs femininos máis representativos da comarca, o Poio Pescamar de fútbol sala.
A entidade vermella anunciou a suspensión da dobre sesión de adestramento habitual dos xoves e sumouse á concentración e lectura do manifesto do Día Internacional da Muller celebrada na Casa Rosada de Poio.
"Tanto xogadoras como club son moi conscientes da discriminación que existe no mundo do deporte cara á muller e consideramos que é a nosa forma de dar visibilidade á nosa protesta", sinalou o Poio Pescamar nun comunicado.
As futbolistas volverán ao traballo o venres para preparar a próxima xornada na Primeira División, na que se enfrontarán a domicilio ao Móstoles FSF o domingo ás 13:30 horas.
Relacionadas:
-
Traballado triunfo do Poio Pescamar sobre Soto del Real (4-1)
Por Redacción & Diego Torrado |
-
O Móstoles sorprende a un desacertado Poio Pescamar (2-0)
Por Redacción |
-
O Club Baloncesto Arxil encesta pola igualdade
Por Redacción |
-
Poio Pescamar non ten piedade do pechacancelas Cádiz (6-3)
Por Redacción & Diego Torrado |