O atleta da Gimnástica Anxo Blanco proclámase en Salamanca campión de España Sub-23
Por Redacción
A XXXIII edición do Campionato de España de Atletismo Sub-23 en Pista Cuberta, celebrado esta fin de semana en Salamanca, deixou grandes resultados para a Sociedad Gimnástica.
Un dos seus atletas, Anxo Blanco, conseguiu subir todo o máis alto do podio no triplo salto para colgar a medalla de ouro. Fíxoo ademais superando a súa mellor marca persoal.
No seu primeiro salto a recente fichaxe do club pontevedrés sentenciou o concurso cun rexistro de 15.62 metros, superando a Alejandro Matantu do Fent Camí Mislata (15.48 metros) e a Eugenio Cámara do Ribera Atlético (15.27 metros).
Na mesma proba conseguiu a oitava posición Ricardo Gayá, cun mellor salto de 14.34 metros.
Noutro concurso, o o salto de altura, un nulo impediu a Pablo Martínez de Guereñu lograr a sexta posición, quedando cunha marca de 1.97 metros, mentres que Adrián Lago completou a actuación da Gimnástica sendo noveno nos 1.500 metros cun tempo de 4:14.87.
Relacionadas:
-
Quince medallas, colleita da Gimnástica nos campionatos galegos sub-18 e sub-20
Por Redacción |
-
Nove atletas representarán á Gimnástica no Nacional Absoluto de Pista Cuberta
Por Redacción |
-
Lores recibe a Charo Castro, nova presidenta da Sociedad Gimnástica de Pontevedra
-
A Gimnástica será anfitrioa na primeira xornada da Primeira División Feminina de atletismo
Por Diego Espiño |
-
Os ximnásticos Manuel Hurtado e Inés Castaño, campións galegos de cros
Por Redacción |