A hostalería da cidade envórcase co balonmán: 33 locais ofrecerán descontos
Por Redacción
O Campionato de España de Seleccións Territoriais de Balonmán e o Memorial Domingo Bárcena que se disputarán en Pontevedra entre o 2 e o 7 de xaneiro ten un aliado especial na cidade: a hostalería. Durante os días que duren as competicións, os establecementos ofrecerán descontos do 10% nas consumicións.
O Concello de Pontevedra deu a coñecer este venres a iniciativa, na que se implican un total de 33 locais de hostalería da cidade. As competicións celebraranse tanto na capital como en Vigo, Poio e Porriño.
O Campionato de España de Seleccións Territoriais de Balonmán reunirá na cidade entre os días 2 e 7 de xaneiro a 2.200 deportistas representando ás 17 comunidades autónimas e a Ceuta e Melilla. En total disputaranse durante eses días 291 partidos en 21 pavillóns (Municipal, CGTD, Multiusos, Universitario, Príncipe Felipe e Marcón en Pontevedra, A Raña en Marín e A Seca en Poio) nas categorías infantil, cadete e xuvenil masculina e feminina.
O Torneo Internacional Memorial Domingo Bárcenas celebrarase no Municipal de Pontevedra e o pavillón vigués de As Travesas do 5 ao 7 de xaneiro coa presenza das seleccións nacionais absolutas de España, Polonia, Bielorrusia e Arxentina.
Relacionadas:
-
Cataluña, gran triunfadora nos Campionatos de España de Seleccións Autonómicas
Por Redacción |
-
España despídese de Pontevedra gañando a unha notable Arxentina (31-28)
Por Diego Espiño & Diego Torrado |
-
Bielorrusia, primeiro rival dos Hispanos no Torneo Internacional de España
Por Redacción |
-
Os 'Hispanos' xa se deixan ver por Pontevedra
Por Diego Espiño |
-
Accidentada primeira xornada no Campionato de España de Seleccións Territoriais
Por Redacción |
-
Un mes de xaneiro para amantes do balonmán
Por Diego Espiño |