Acabaron as vacacións para o Club Baloncesto Arxil
Por Redacción
O primeiro equipo do Club Baloncesto Arxil regresa este xoves 28 de decembro ao traballo para preparar a segunda metade da tempada na Liga Feminina 2.
As pontevedresas, oitavas na clasificación, seguen aspirando a mellorar o seu rendemento e non renuncian a achegarse na segunda volta aos postos de cabeza, pero para iso precisan por unha banda deixar atrás as lesións que lles limitaron nalgunhas ocasións o seu rendemento e buscar a mellor versión dos pesos pesados do equipo, aos que se une a recente incorporación, Jelena Budimir.
A pívot serbia seguiu un plan específico de adestramento durante o Nadal para tentar alcanzar canto antes o ritmo e nivel das súas compañeiras.
A única ausencia anunciada no primeiro adestramento tras as vacacións é a de Chantel Charles, xa que a británica ten previsto sumarse ás súas compañeiras un día máis tarde.
O obxectivo para as de Mayte Méndez pasa agora por preparar a conciencia o que será o seu primeiro partido de liga do ano, o domingo 7 de xaneiro na cancha do Basket Mar de Xixón.
Relacionadas:
-
Claro triunfo do Arxil en Xixón na súa volta á competición (57-71)
Por Redacción |
-
Unha vitoria para achegarse á parte alta da táboa, obxectivo do Arxil en Xixón
Por Redacción |
-
O Arxil dá o OK á continuidade de Jelena Budimir ata final de tempada
Por Redacción |
-
O Arxil remonta no último parcial para anotarse o derbi ante Cortegada (77-68)
Por Redacción & Diego Torrado |