Reto europeo para Águeda Cons en Copenhague
Por Redacción
Descansou no recente Campionato de España de Inverno celebrado en Barcelona, coa mente posta en preparar o que será o seu primeiro gran reto co equipo nacional absoluto, o Europeo de Piscina Curta que terá lugar en Copenhague do 13 ao 17 de decembro.
Águeda Cons xa contaba coas marcas mínimas esixidas para tomar parte na competición na capital danesa, polo que centrou a súa preparación para estar a pleno redimiento nesta cita.
A moza nadadora do Galaico afrontará dúas probas no Campionato de Europa, os 400 e os 800 libre.
Empezará a súa participación o primeiro día de competición na distancia longa, coas eliminatorias, mentres a final disputarase un día despois, o xoves 14 de decembro. Pola súa banda para o 400 libre deberá esperar á última xornada do Europeo, o domingo 17, con preliminares en horario matinal e a final pola tarde.
O equipo nacional contará con dúas importantes baixas, as de Mireia Belmonte e Hugo González, quedando composto ademais de por Águeda Cons por Evelyn Álvarez (CN Terrassa), Melani Costa (CN Terrassa), Marina García (CN Sabadell), Lidón Muñoz (CN Sant Andreu), Jessica Vall (CN Sant Andreu), África Zamorano (CN Sant Andreu), Joan Lluís Pons (CN Palma) e Marc Sánchez (CN Sabadell).
En canto ao equipo técnico, contará ademais coa presenza de Luisa Domínguez, adestradora do Centro Galego de Tecnificación Deportiva.
Relacionadas:
-
Fin á experiencia de Águeda Cons no Europeo de Conpenhague
Por Redacción |
-
Debut discreto para Águeda Cons no Campionato de Europa de Piscina Curta
Por Diego Espiño |
-
Águeda Cons, incluída no programa nacional de bolsas Podium
Por Diego Espiño |
-
O Galaico agárrase desde o inicio ao liderado da Liga Galega de División de Honra
Por Redacción |
-
Águeda Cons pon rumbo a Xapón
Por Redacción |
-
Recoñecemento nacional a Luisa Domínguez, adestradora de natación do CGTD
Por Diego Espiño |