Un BM La Rioja en horas baixas espera ao Teucro a golpe de martes
Por Diego Espiño
O tolo calendario da Liga Asobal volve xogar unha mala pasada ao Condes de Albarei Teucro, que sen apenas tempo para saborear a vitoria do sábado ante o Benidorm debe afrontar un longo desprazamento a golpe de martes ata Logroño.
Os azuis visitan (20:45 horas) a "un dos mellores planteis da liga", segundo Quique Domínguez, o BM La Rioja, un equipo que a pesar de todo atópase en horas baixas despois dun inicio de tempada irregular.
Con só seis puntos en 9 xornadas, os de Jota González non están a responder ao momento ás expectativas depositadas no seu renovado plantel, pero chegan á cita despois de vencer a fin de semana na pista do ata entón imbatido Anaitasuna.
"É verdade que sufriron unha renovación importante e iso fíxolle non estar de todo axustados nas primeiras xornadas. Pero tamén é verdade que ficharon moi ben e ademais están dirixidos por un grandísimo adestrador", sinala o técnico pontevedrés.
O Teucro conta coas baixas coñecidas de Óscar Silva e de Johnny Medina, ademais da un Giuseppe Colasuonno que rescindiu o contrato que lle vinculada ao club.
ÓSCAR SILVA, OPERADO CON ÉXITO
Este luns o xogador teucrista Óscar Silva pasou finalmente polo quirófano para solucionar os problemas no seu ombreiro, lesionado na segunda xornada de liga ante o Guadalajara.
A intervención resultou un éxito, segundo informou o club, polo que o lateral vigués inicia agora unha fase de recuperación que, segundo as primeiras estimacións dos servizos médicos, roldará os 4 meses.
Relacionadas:
-
As forzas abandonan ao Teucro na Rioxa (37-26)
Por Redacción |
-
O Teucro rescinde o contrato de Giuseppe Colasuonno
Por Diego Espiño |
-
Sufrimento con final feliz para Condes de Albarei Teucro fronte o Benidorm (27-26)
Por Ramiro Espiño & Diego Torrado |
-
O Condes de Albarei Teucro, cun ollo posto no mercado de fichaxes
Por Diego Espiño | Creada e actualizada