Acudir vestido de vermello ao pavillón da Seca ten premio
Por Redacción
O axustado triunfo en Leganés, sétima vitoria consecutiva na liga, mantén disparada a ilusión do Poio Pescamar nun inicio de competición histórico na máxima categoría, sendo terceiras a só dous puntos dos dous líderes, Atlético Navalcarnero e Burela FS.
Precisamente o equipo lucense será o próximo rival que visite o pavillón municipal da Seca (sábado, 16:30 horas) nun duelo no que o liderado da Primeira División estará en xogo.
Por ese motivo, e ante a ilusión de seguir pelexando polos primeiros postos, no club vermello puxéronse a traballar para que a afección de Poio marque o primeiro tanto enchendo a bancada do pavillón.
A directiva traballa nunha serie de iniciativas que pretender non só lograr o cheo absoluto, senón engalanar o pavillón. Entre esas propostas atópase a de premiar aos seguidores que acudan ao partido vestidos da cor do equipo, o vermello. Desta forma todo que o acuda uniformado á Seca entrará no sorteo de diferentes pezas de roupa do equipo, tales como sudaderas, chaquetas ou unha camiseta asinada por todas as xogadoras do primeiro plantel.
Ademais o Poio Pescamar, do mesmo xeito que noutras ocasións, repartirá invitacións nos colexios do municipio e en varios locais comerciais.
Relacionadas:
-
Guadalcacín fai saltar a sorpresa freando ao Poio Pescamar (4-1)
Por Redacción |
-
Poio Pescamar queda co mel nos beizos na última xogada do partido ante Burela (2-2)
Por Redacción |
-
Segue imparable o Poio Pescamar que suma a súa sétima vitoria consecutiva en Leganés (4-5)
Por Redacción |
-
Silvia Aguete consolídase na Selección Española
Por Redacción |
-
Poio Pescamar cárgase ao invicto Roldán (2-0)
Por Redacción |