O Consello de Administración do Pontevedra non acepta a dimisión de Luisito
Por Diego Espiño & Diego Torrado
Ata a madrugada prolongouse a reunión do Consello de Administración do Pontevedra Club de Fútbol convocada de urxencia tras o anuncio de dimisión Luisito en Talavera, a consecuencia da derrota do equipo.
Ás 22:30 horas da noite chegaba ao Estadio Municipal de Pasarón a presidenta do Consello, Lupe Murillo, e o director deportivo Roberto Feáns directamente desde a localidade manchega, e a eles uniuse o resto da cúpula directiva da entidade para analizar as palabras do técnico e tomar unha decisión con respecto ao seu futuro.
Despois de dúas horas de reunión, Murillo comunicaba a decisión adoptada, asegurando tallante que "o Consello de Administración non acepta a dimisión de Luisito. Seguirá sendo adestrador do Pontevedra".
A máxima dirixente do club recoñeceu ter falado co adestrador, pero eludiu dar máis explicacións remitindo aos medios de comunicación a unha rolda de prensa convocada para as 13:00 horas deste luns.
Relacionadas:
-
Luisito xa non é adestrador do Pontevedra
Por Diego Espiño |
-
Vencer o Navalcarnero en Pasarón, única medicina posible para superar a inestabilidade
Por Diego Espiño |
-
O foco de atención no Pontevedra volve ao plano deportivo
Por Diego Espiño |
-
Luisito promete traballo na volta aos adestramentos: "O que non quería era ser un estorbo"
Por Diego Espiño |
-
Confianza en Luisito e revolución no plantel: "En diciembre tomaremos decisiones"
Por Diego Espiño |
-
Luisito presenta a súa dimisión tras a derrota en Talavera
Por Diego Espiño |
-
Trinta minutos e apagamento dun Pontevedra que se afunde repetindo erros en Talavera (2-1)
Por Redacción |