Un tempo para cada equipo e xusta repartición de puntos entre Ribadumia e Villalonga (1-1)
Por Redacción
Partido de máis a menos na Senra cun tempo para cada equipo e xusta repartición de puntos entre Ribadumia e Villalonga que non deixa plenamente satisfeitos a ningún dos contendentes.
Os locais dominaron nun primeiro tempo que foi o máis interesante. Hugo Soto adiantaba pronto ao Ribadumia, aos 11 minutos, aproveitando unha xogada iniciada por Josiño.
Con todo, pese ao dominio do partido e do balón, os aurinegros non conseguieron transformar en gol as ocasións que tiveron, especialmente nas botas de Cerqueiras e Ramón.
Na segunda parte baixou o ritmo e a intensidade do partido e diso aproveitouse o Villalonga, que aos poucos foi impoñéndose, conseguindo igualar o marcador aos 52 minutos, nun pase de Melchor para Rocha, que se vai de dous contrarios e bate a Iván Parada desde moi preto.
O dominio visitante continuou nunha segunda metade na que o Ribadumia apenas apareceu, e mesmo Aarón puido facer o segundo, rematando desviado, aínda que a mellor ocasión foi para Padín, que non puido superar ao meta local Iván Parada, que salvou un punto para os seus, facendo subir a sete os partidos consecutivos nos que o Ribadumia consegue puntuar.
Consulta o acta do partido Ribadumia-Villalonga nesta ligazón.
Relacionadas:
-
O Céltiga dá a sorpresa no Barco mentres Ribadumia, Arosa e Villalonga caen
Por Redacción |
-
O Arosa achégase ao play-off e salva unha xornada negra para Ribadumia, Villalonga e Céltiga
Por Redacción |
-
Arosa e Céltiga arrancan un valioso punto a domicilio fronte a Compostela e Cultural Areas
Por Redacción |
-
Arosa e Ribadumia atopan o gol, o Villalonga frea ao líder e o Céltiga estrélase ante o Compostela
Por Redacción |
-
Vitorias do Ribadumia sobre o Ourense, Arosa en Boiro e Céltiga en Barbadás e derrota do Villalonga en Redondela
Por Redacción |
-
Ceden en casa Villalonga e Celtiga, o Arosa logra a súa segunda vitoria e o Ribadumia arranca un punto
Por Redacción |