O Club de Tenis Pontevedra presenta a XXIII edición do seu torneo
Por Redacción
"Esto es ya un clásico del tenis gallego". Así define o presidente do Club de Tenis Pontevedra, Ricardo Domínguez, a XXIII edición do Open Cidade de Pontevedra.
A competición, para a categoría senior masculina, arrincará este venres 27 de outubro cunha fase previa que se prolongará nas pistas da Caeira ata o domingo 29.
De aí sairán os catro últimos tenistas clasificados para a fase final, uníndose a outros 12 deportistas entre os que se atopan "los nueve mejores jugadores de Galicia por ranking".
Esa fase final, cunha dotación de 800 euros en premios, desenvolverase desde o mércores 1 de novembro.
A entrada ao Club de Tenis Pontevedra durante todo o torneo será de balde para o público.