Boas sensacións para Javier González antes de afrontar o Europeo Junior de taekwondo
Por Redacción
Non puido regresar de Belgrado cunha medalla ao pescozo, pero as sensacións que deixou na competición foron positivas pensando no gran obxectivo da tempada, o Campionato de Europa Junior de Taekwondo.
Javier González participou no Open de Serbia, campionato de máximo nivel ao ser de categoría G-1, e avanzou con contundencia ata os cuartos de final, onde cedeu nun paretado combate.
O deportista pontevedrés demostrou estar en condicións de acudir o Europeo con opcións de avanzar no cadro da competición, á que acudirá coa ambiciosa meta de meterse na pelexa polas medallas.
En Serbia González superou en primeira rolda ao búlgaro Marian Rachev por 27-7, mentres no seu segundo enfrontamento venceu por 24-4 ao croata Denis Bakunic. Foi no seu terceiro combate, o de cuartos de final, no que cedeu de maneira axustada ante o grego Anargyros Sofotasios (24-21).
O Campionato de Europa Junior de Taekwondo, para o que está clasificado Javier González, disputarase a principios do mes de novembro en Chipre.
BRONCES PARA KATYA CALVAR E PABLO FERNÁNDEZ
Na categoría senior si conseguiron subir ao podio os marinenses Pablo Fernández e Katya Calvar (Mat's).
Pablo superou ao serbio Danilo Vukelic por 7-9, pero non puido gañar a semifinal ante o croata Vedran Golec (12-2). Pola súa banda Katya gañou á croata Andrea Besic (0-9), á rusa Daria Adamiak (3-10) e á italiana Natalia D´Angelo, pero na semifinal cedeu ante a checa Iveta Jirankova (7-2).
Relacionadas:
-
Meritorio bronce para Arlet Ortiz no Europeo Junior de taekwondo
Por Redacción |
-
Arlet Ortiz e Javier González, a polo Campionato de Europa Junior de taekwondo
Por Redacción |
-
Febre polo taekwondo no Pavillón Municipal
Por Redacción & Diego Torrado |
-
O Torneo Cidade de Pontevedra de Taekwondo regresa ao Municipal
Por Diego Espiño |
-
Arlet Ortiz faise co ouro no Open de Polonia de taekwondo
Por Redacción |
-
O pontevedrés Javier González logra billete para o Europeo Junior de taekwondo
Por Redacción |