O Arxil confirma o seu bo inicio de liga vencendo en Oviedo (47-79)
Por Redacción
Do mesmo xeito que na primeira xornada da Liga Feminina 2, o Club Baloncesto Arxil demostrou un gran nivel defensivo para facerse coa súa segunda vitoria da tempada superando con claridade ao Universidad de Oviedo a domicilio (47-79).
Aínda que o primeiro cuarto o acerto en ataque brillou pola súa ausencia, a consistencia defensiva das pontevedresas fíxolles tomar xa o mando do encontro (7-10).
Foi no segundo parcial onde a porcentaxe cara ao aro contrario subiu e o Arxil empezou a marcar diferenzas (20-35) para marchar ao descanso nunha cómoda situación.
Con catro xogadoras por encima da decena de puntos, como foron Cristina Díaz-Pache (16), Carla Fernández (12), Ana Román (12) e Chantel Charles (10), as verdes sentenciaron o partido no terceiro cuarto (34-60) e limitáronse a controlar o marcador nos minutos finais sen maior sobresalto.
Con dous triunfos noutras tantas xornadas o Arxil colócase no liderado da Liga Feminina 2, empatado con outros tres equipos pero con mellor diferencia de puntos.
Consulta as estatísticas do Universidad de Oviedo-Club Baloncesto Arxil.
Relacionadas:
-
Novo derbi para o Arxil, que busca recuperar as boas sensacións
Por Redacción |
-
O Arxil paga cunha contundente derrota o seu mal segundo cuarto fronte o Celta (53-72)
Por Redacción |
-
Arxil e Celta poñen en xogo a súa condición de equipos invictos na Liga Feminina 2
Por Redacción |
-
O Arxil presume do nivel da súa canteira
Por Redacción |
-
Confianza no Arxil ante o seu primeiro desprazamento da tempada
Por Redacción |
-
Vence e convence o Arxil na súa estrea ligueira ante o Segle XXI (68-46)
Por Redacción |