Ás voltas coa defensa para recibir ao Real Madrid Castilla
Por Diego Espiño
A liña defensiva é a principal preocupación de Luisito para o choque deste domingo (17:00 horas) no Estadio Municipal de Pasarón ante o Real Madrid Castilla.
Os granates buscan a súa terceira vitoria consecutiva ante un filial madridista que tamén comezou de maneira irregular a tempada e ocupa o posto 13 da táboa con 8 puntos.
Con Jimmy fóra de combate para dous meses e Adrián León recuperándose aínda da forte escordadura de nocello que sufriu en Ferrol, o técnico do Pontevedra deberá variar unha vez máis a retagarda, xusto cando mellor estaba a funcionar.
Por se iso non fose suficiente problema, o lateral destro Miguel é dúbida para o choque por mor dun accidente doméstico sufrido o pasado mércores, no que queimou as mans.
Por aí veñen por tanto as incógnitas na aliñación granate, con David Castro aspirando a repetir titularidade no costado zurdo e Goldar fixo noutro dos postos da liña de catro, tanto Mongil como Bruno Rivada gañan enteiros para ser da partida ante o Castilla.
Un Real Madrid moi renovado e que, da man de Solari, quere empezar a relucir a súa evidente calidade para escalar posicións na clasificación.
O colexiado do encontro será o castelán-leonés Alfonso Vicente del Moral.
Relacionadas:
-
Segue crecendo o Pontevedra á conta do Real Madrid Castilla (2-0) nun partido brillante dos granates
Por Ramiro Espiño & Diego Torrado |
-
Jimmy, operado con éxito no Hospital QuirónSalud: "Espero que en menos de 8 semanas esté ya jugando"
Por Diego Espiño |
-
Adrián León, dúbida para a próxima xornada de liga
Por Diego Espiño |
-
Cambio de dinámica dun Pontevedra serio que minimiza ao Racing de Ferrol e levanta voo (1-2)
Por Raúl Salgado |