O pontevedrés Guillermo García, seleccionado para o Mundial junior de ciclismo
Por Diego Espiño
Guillermo García Janeiro gañou na estrada o dereito para soñar co Campionato do Mundo de Ciclismo que se disputa dentro de poucos días en Bergen, Noruega.
O corredor pontevedrés do Bathco Team, que recentemente se proclamou campión de España junior contrarreloxo, convenceu con esa actuación no Nacional ao seleccionador, que o incluíu na reducida lista de tres ciclistas que estarán na cita mundialista.
Era o gran obxectivo da tempada de García Janeiro, que acudirá a Noruega coa ilusión de realizar un bo papel, especialmente na loita contra o crono.
Guillermo García debutará no Mundial o martes 19 de setembro na contrarreloxo junior, unha proba que contará con 21,1 quilómetros de percorrido.
Catro xornadas despois, o sábado 23 de setembro, será quenda da proba de fondo en estrada, con 133,8 quilómetros de ruta. Nesta carreira participarán tamén os outros dous españois seleccionados, Carlos García (Fundación Contador), e Ramón Díaz (Fundación Sastre).
Relacionadas:
-
Un arrefriado pasa factura a Guillermo García na contrarreloxo do Mundial Junior de ciclismo
Por Diego Espiño |
-
Recibimento municipal a Guillermo García, presente e futuro do ciclismo pontevedrés
Por Redacción |
-
O pontevedrés Guillermo García, campión de España contrarreloxo en categoría junior
Por Diego Espiño |
-
Martín Bouzas e Guillermo García, nomes destacados do Campionato Galego Contrarreloxo
Por Redacción |