O Froiz refórzase no tramo final da tempada
Por Redacción
En plena recta final da tempada, e coa mente posta en pelexar polo que é un dos grandes obxectivos da tempada, a Volta a Galicia que arrinca o día 14 de setembro, o Grupo Deportivos Supermercados Froiz reforzou o seu plantel.
O equipo alimenticio incorporou ás súas filas ao escalador manchego Iván Martínez, campión de España en ruta en categoría elite no ano 2013.
Martínez debutará co maillot do Froiz na Vuelta Ciclista Cantabria Internacional G.P. Liébana que se disputará desde o vindeiro domingo 3 de setembro ata o martes día 5.
Serán tres xornadas de competición cunha pequena contrarreloxo en Santander e dúas etapas en línes, a primeira delas de 149 quilómetros finalizando con 10 voltas a un circuíto urbano e outra, a terceira e última, máis dura de 143 quilómetros e catro ascensións ao alto da Montaña, na contorna de Vioño de Piélagos.
Na cita están inscritos 22 equipos, entre os que destacan escuadras como o Caixa Rural, Lizarte, o Aldro Team ou a Selección de Xapón e La Pomme de Marsella.
Ademais de Iván Martínez, representarán ao Froiz en Cantabria: Pedro Merino, Miguel Gómez, David González, Leonel Coutinho, Martín Lestido e Martín Bouzas.
Relacionadas:
-
Paso importante do Froiz na Volta a Galicia ao gañar a contrarreloxo por equipos de Monforte
Por Redacción |
-
Ánimos para o Froiz antes do seu gran obxectivo da tempada, a Volta a Galicia
Por Diego Espiño |
-
O Froiz enche de moral para a Volta a Galicia
Por Redacción |
-
O Froiz roza o triunfo final na Vuelta a Ávila
Por Redacción |
-
Novena praza para Alejandro Regueiro na sexta edición do Circuíto da Curia de ciclismo
Por Redacción |